مرحباً مرحباً
على أني سبت ثاني ثنوي بالتدوينه الي قبل *_* بس والله به أشياء حلوه وغبيه =)
ومن أغبى المواقف الي صارت لي
مره قمت الصبح وقررت أخذ جوالي للمدرسه وحطيت الجوال صامت بعدين هونت اخده خليته بالسياره وبعدين قلت لالا باخذه
يعني كان عندي تضارب بالأراء وبالاخير اخذته
كانت اول حصه أحياء وجامعين فصلين عشان نص الفصلين عندهم إختبار المهم
جالسين بامان الله وكانت الأستاذة مسويه مراجعه على اخر الترم وانا وخويتي هدى نسولف وفجاه نزلت علينا الروحانيه وهدينا
ونسمع صوت كانه جرس انذار
انا اعرف الصوت بس مدري وين والصوت كل شوي يعلى ويعلى ويعلى والفصل سكت
بالاخير اكتشفت انه منبه جوالي -_-
والله يانقزت نقزه وبسرعه افتح شنطتي واسكر منبهي وانا منهبله متنحه متوتره مدري وشلون
والاستاذه قالت وشو هذا
جت بنت مجهوله الهويه قالت ساعتي نسيت اسكرها وكذا يعني سلكت الوضع لي "أشكرها من أعماق قلبي"
وانا موب مصدقه كنت صدق متنحه
ولما طلعنا وحده من صديقاتي ماكانت مداومه واحنا مستغربين لان امس بالليل كانت تكلمنا عادي
الحصه الثانيه رياضيات وبدينا درس الا تدخل صديقتي ذي
وكانت متاخره
وتقولنا ترى فيه تفتيش الوكيله والمراقبات بالفصل لي جنبنا
قلت هااااااااااااه تستهبلين والا صدق
قالت ليه جايبه شئ؟
قلت جوالي
قالت بسرعه حطيه باي مكان هم الحين بيدخلون
رحت للاستاذه قلت لها بروح للحمام
قالت لالا هالحصه الوكيله قالت ممنوع لا تطلعين احد
انا صدق هنا خلاااااااااااص جلست العن الوقت الي قلت فيه باخذ جوالي
الحصه الاولى منبه والثانيه تفتيش وش هالحظ
وعندنا كمبيوتر بالفصل بسرعه فتحت درج الي جنب الكيبورد ودخلت الجوال
وما امدى اسكر الدرج الا الوكيله داخله وتقول يلا كلكم برى الفصل لاحد يمسك شنطه وطلعوا الي بجيوبكم
واجلس ادعي ادعيه واودع جوالي واطلع
طلعت وانا اضحك اصيح خايفه متوهقه مستغربه من الحظ مدري وش الشعور
والبنات كانو سامعين منبهي بالفصل وجو يقولون هاه وين غبيتيه وانا ماغير اضحك واقولهم بالفصل
يقعدون يقولون خبله كان سوي وسويتي وشو بالفصل ويوترون زياده
ولما طلعوا المدرسات من فصلنا
كنت ابي اشوف جوالي بس مابي لان الاستاذه واقفه عنده
مسكت نفسي وجلست
جو بنات قالو استاذه لقيتوا شئ؟
قالت لالا احنا نثق بكم ولا لقينا شئ
ارتحت شوي
ولما صفرت الفسحه طلعت الاستاذه وانا اركض للدرج والقى الجوال واحمد ربي واجلس اسب اليوم كان حظي خايس صدق
المهم بالفسحه كنا جايبين فطور
جلسنا بالفصل وناكل لما خلصت الفسحه واحنا مازلنا ناكل
تدخل بنت قالت انتم للحين هنا يلااااااااا بسرعه
كان عندنا انجليزي واستاذته شديد فنحسبها تقصد لا تتاخرون على الحصه
وعشان احنا نظام قاعات لازم نجلس نتنقل بين الفصول
ذي البنت اخذت شنطتها وركضت
طلعت بشوف الاوضاع الا اشم ريحه حريق والبنات يركضون
اخخلاء
كنت اسمع صراخهم بس احسب لان الفسحه خلصت ماتوقعت اخلاء
وهم كانو قبل كم يوم مسوين لنا تجربه اخلاء وحسبناها استهبال
لما شميت الريحه لا شعوري اصرخ على صديقاتي ولان هدى كانت اكثر شخص ما تصدق اقولها هدى بسرررررررررررعه صدق والله صدق
كلهم قامو بسرعه اخذوا عبياتهم وتمسكني خلود صديقتي الثانيه وتركض واقولها خلود شوي شوي لا تركضين
وهي كانت من جد داعسه وتركض
نزلنا كلنا تحت والا البنات دايخين وصياح وحالتهم حاله
قالو بسرعه اطلعوا للشارع
قلت لالا مايحتاج وترجع خلود وتمسكني وتدعس =))
طلعنا بالشارع واطلع جوالي النحس واكلم امي واقولها قالت طيب برسلك السواق
شوي الا وحده من المدرسات تقول ارجعوا كلكم بسرعه مين سمح لكم تطلعون !!
دخلنا الا اكثر البنات بدوا يطلعون جوالتهم واحنا ضحك نقول وين راح التفتيش الي تو
المهم جو بنات وقالو لي نبي نكلم اهلنا وعطيتهم وجلسوا يكلمون
رجعت للفصل ضفيت عفشي ورحت للبيت ونمت
وخلص يومي المنحوس ذاك بس اكتشفت ان النهايه كانت سعيده ض1 كان فيه فائده من الجوال باني كلمت امي
أصلا أتوقع بنات مدرستنا بيصير عندهم تبلد من الاخلاء لان موب اول مره
وبس..
شئ ثاني حلو
مدري مخي قفل لاني بمكان يرفع الضغط
ياجوج وماجوج قدامي مسببين قلق بس ازعاج ومضاربات وزقاقه >_>
لذلك اكتفي بهذا الحد لليوم 0=)
إلى اللقاء
على أني سبت ثاني ثنوي بالتدوينه الي قبل *_* بس والله به أشياء حلوه وغبيه =)
ومن أغبى المواقف الي صارت لي
مره قمت الصبح وقررت أخذ جوالي للمدرسه وحطيت الجوال صامت بعدين هونت اخده خليته بالسياره وبعدين قلت لالا باخذه
يعني كان عندي تضارب بالأراء وبالاخير اخذته
كانت اول حصه أحياء وجامعين فصلين عشان نص الفصلين عندهم إختبار المهم
جالسين بامان الله وكانت الأستاذة مسويه مراجعه على اخر الترم وانا وخويتي هدى نسولف وفجاه نزلت علينا الروحانيه وهدينا
ونسمع صوت كانه جرس انذار
انا اعرف الصوت بس مدري وين والصوت كل شوي يعلى ويعلى ويعلى والفصل سكت
بالاخير اكتشفت انه منبه جوالي -_-
والله يانقزت نقزه وبسرعه افتح شنطتي واسكر منبهي وانا منهبله متنحه متوتره مدري وشلون
والاستاذه قالت وشو هذا
جت بنت مجهوله الهويه قالت ساعتي نسيت اسكرها وكذا يعني سلكت الوضع لي "أشكرها من أعماق قلبي"
وانا موب مصدقه كنت صدق متنحه
ولما طلعنا وحده من صديقاتي ماكانت مداومه واحنا مستغربين لان امس بالليل كانت تكلمنا عادي
الحصه الثانيه رياضيات وبدينا درس الا تدخل صديقتي ذي
وكانت متاخره
وتقولنا ترى فيه تفتيش الوكيله والمراقبات بالفصل لي جنبنا
قلت هااااااااااااه تستهبلين والا صدق
قالت ليه جايبه شئ؟
قلت جوالي
قالت بسرعه حطيه باي مكان هم الحين بيدخلون
رحت للاستاذه قلت لها بروح للحمام
قالت لالا هالحصه الوكيله قالت ممنوع لا تطلعين احد
انا صدق هنا خلاااااااااااص جلست العن الوقت الي قلت فيه باخذ جوالي
الحصه الاولى منبه والثانيه تفتيش وش هالحظ
وعندنا كمبيوتر بالفصل بسرعه فتحت درج الي جنب الكيبورد ودخلت الجوال
وما امدى اسكر الدرج الا الوكيله داخله وتقول يلا كلكم برى الفصل لاحد يمسك شنطه وطلعوا الي بجيوبكم
واجلس ادعي ادعيه واودع جوالي واطلع
طلعت وانا اضحك اصيح خايفه متوهقه مستغربه من الحظ مدري وش الشعور
والبنات كانو سامعين منبهي بالفصل وجو يقولون هاه وين غبيتيه وانا ماغير اضحك واقولهم بالفصل
يقعدون يقولون خبله كان سوي وسويتي وشو بالفصل ويوترون زياده
ولما طلعوا المدرسات من فصلنا
كنت ابي اشوف جوالي بس مابي لان الاستاذه واقفه عنده
مسكت نفسي وجلست
جو بنات قالو استاذه لقيتوا شئ؟
قالت لالا احنا نثق بكم ولا لقينا شئ
ارتحت شوي
ولما صفرت الفسحه طلعت الاستاذه وانا اركض للدرج والقى الجوال واحمد ربي واجلس اسب اليوم كان حظي خايس صدق
المهم بالفسحه كنا جايبين فطور
جلسنا بالفصل وناكل لما خلصت الفسحه واحنا مازلنا ناكل
تدخل بنت قالت انتم للحين هنا يلااااااااا بسرعه
كان عندنا انجليزي واستاذته شديد فنحسبها تقصد لا تتاخرون على الحصه
وعشان احنا نظام قاعات لازم نجلس نتنقل بين الفصول
ذي البنت اخذت شنطتها وركضت
طلعت بشوف الاوضاع الا اشم ريحه حريق والبنات يركضون
اخخلاء
كنت اسمع صراخهم بس احسب لان الفسحه خلصت ماتوقعت اخلاء
وهم كانو قبل كم يوم مسوين لنا تجربه اخلاء وحسبناها استهبال
لما شميت الريحه لا شعوري اصرخ على صديقاتي ولان هدى كانت اكثر شخص ما تصدق اقولها هدى بسرررررررررررعه صدق والله صدق
كلهم قامو بسرعه اخذوا عبياتهم وتمسكني خلود صديقتي الثانيه وتركض واقولها خلود شوي شوي لا تركضين
وهي كانت من جد داعسه وتركض
نزلنا كلنا تحت والا البنات دايخين وصياح وحالتهم حاله
قالو بسرعه اطلعوا للشارع
قلت لالا مايحتاج وترجع خلود وتمسكني وتدعس =))
طلعنا بالشارع واطلع جوالي النحس واكلم امي واقولها قالت طيب برسلك السواق
شوي الا وحده من المدرسات تقول ارجعوا كلكم بسرعه مين سمح لكم تطلعون !!
دخلنا الا اكثر البنات بدوا يطلعون جوالتهم واحنا ضحك نقول وين راح التفتيش الي تو
المهم جو بنات وقالو لي نبي نكلم اهلنا وعطيتهم وجلسوا يكلمون
رجعت للفصل ضفيت عفشي ورحت للبيت ونمت
وخلص يومي المنحوس ذاك بس اكتشفت ان النهايه كانت سعيده ض1 كان فيه فائده من الجوال باني كلمت امي
أصلا أتوقع بنات مدرستنا بيصير عندهم تبلد من الاخلاء لان موب اول مره
وبس..
شئ ثاني حلو
مدري مخي قفل لاني بمكان يرفع الضغط
ياجوج وماجوج قدامي مسببين قلق بس ازعاج ومضاربات وزقاقه >_>
لذلك اكتفي بهذا الحد لليوم 0=)
إلى اللقاء
ليست هناك تعليقات:
إرسال تعليق