أنيو ^^"

اليوم داومت كأول يوم لي بثالث ثنوي
"الله يعطين خير هالعام ويكفين شره .. وياكم"

كان يوم عادي يعني مافيه مشاعر ابد أبد
خوياتي سلمت عليهم عادي كاني شايفتهم امس مافيه حماس وفاقدتهم ومدري وشو xd
وما كان فيه حصص ولا دروس
ولا فيه شعور أني آخر سنه
وعطون مواد الترم وصراحة حسيت السالفه كرف شوي :")

كل المواد يبي له مخ مروق
"كيمياء,فيزياء,رياضيات,بيئة,انجليزي"
يعني كنت مدلعه بالكثير مادتين علميه بالترم والحين كل الترم مواد علميه -,-

واستلمت ثلاث كتب
"فيزياء,كيمياء,رياضيات"
صراحه كتاب الرياضيات لونه خققققققققه *.*

ولو انه موب واضح بالتصوير .. اهم شئ الخلفيه تنورة المدرسة
اصلا الوان الكتب بالتدريج جايه كله ازرق @@!

والحين هذاي منسدحه بسريري ومشتهيه سبرايت والا سفن بارد *.* مع ثلج 3>3>3>3>
الله يرزقن واحد -_-"

أيه صح ونسيت
السبت الي فات اخواني رجعوا من أمريكا =$
بس فدوى وفواز خلصوا دراسه ورجعوا بقى هيثم هناك الله يوفقه
بيتنا صار فيه حركه
واحلى شعور
لما تكون بغرفتك بالليل طفشان واحد يفتح الباب يقولك تبي قهوه 3>3>3>3>3> شعور جميل
والا الصبح يجيبون فطور ونفطر سواء
من زمان عن الشعور هذا
الحمد لله على سلامتهم 3>

والحين بروح ادور لي شغله
يمكن ارتب غرفتي ويمكن استمر على سدحتي وافتح اليوتيوب ^^"

عاد الله اعلم

يلا الى اللقاء =*

الصيف ~ 1

أنيو ^^

يوم رجعت المدرسه رجعت معه ><"

بحاول اكتب الاشياء الي سويته بالعطله مع انه مهنا انجازات ذاك الزود :/

الاغلب تسدح وتبطح ودي اعيده من جديد عشان احاول انجز قهر راحت بسرعه
وبالعاده يصير فيه حماس للمدرسه واروح اتقضى خرابيط واخيط مريول واشياء
لكن ومازلت منسدحه قدام الابتوب ولا خيطت شئ ولا شريت شئ والحياة حلوه -.-
واول اسبوع كملته مع الاجازه وببدا اداوم ان شاء الله السبت

خل ابدا باجازتي ~,~

اول الاجازه كنت اريح من المدرسه وكنت مخططه اسافر لامريكا عند اخواني بس مالله كتب
فكان اول الاجازه حوسه كل يوم اهلي يختارون مكان بيروحون له
وبالاخير قرروا امي وابوي تصير رحله داخليه
تبدا بالطائف بعدين مكه بعدين ينبع بعدين المدينه وختامها مسك بالقصيم لما بدايه رمضان نرجع للرياض

ضبطنا العفش كانو الي بيسافرون انا واخوي سيف وامي وابوي
مشينا الفجر اتوقع الخميس الي قبل رمضان بثلاث اسابيع ×_×"

اول محطه الطائف
كانت جميله والله بس طفشنا لان كله بر وكشتات واحنا موب ذاك الزود على الكشتات
وكانت وصخه :/ وصخه بقوه
بس استمتعنا

صور..

هذا المكان من بلكونه وكان فيه هواء بارررررررررد

واكثر شئ اعجبن عندهم هالشئ الي هي اسواق الخضار بوسط الشارع وطعم الفاكهه والخضار جميييييييل وبقوه
واشترينا منهم

توت-مانجا-برشومي-عنب-كعب الغزال-برتقال .. هذا الي اشوفه بالصوره والباقي نسيته =.=

والفندق الي سكنا فيه كان كله معاريس ^.^
وهذي بعض السيارات الي امدى اصوره **

والحين نبدا بالمجطه الثانيه مكه
كانت زحمه نوعا ما بس جميييييييييله
خالتي الي ساكنه بجده جت معنا هي وبنات خالتي وكان وناسه
انا وبنات خالتي ثنتين كان لنا غرفه لحال بالفندق وكنا ماخذين راحتنا بقوه متى ما بغينا نطلع طلعنا متى ما جعنا جبنا اكل نروح للسوق نصلي كل شئ لحالنا
بس كانت ثلاث ايام ومرت بسرعه تمنيت لو طولت شوي

توي اكتشف اني ماصورت شئ بمكه غير الحرم والابراج ~.~

وبعدين تركنا بنات خالتي ورحنا للمحطه الثالثه ينبع 3> 3> 3> 3>

على انو اول مره اروح لينبع بس وقعت بغرام هذيك المدينه *^_^*
وعلى انو ما معنا احد بس احنا الاربعه بس كانت جمممممممميله جميله لابعد حد

بحرهم رايق ونظيف جوهم كان خطير بذاك الوقت الناس كل واحد بحاله مالهم دخل باحد شوارعهم فاضيه
مدري خقه من جميع النواحي

هذي الشاليهات الي كنا به 0=)
نسيت اسمه -.-

باقي صور ينبع صراحة بالكام والكام مدري وينه ×.×

هذا الي ممتوفر بالجوال حاليا **

ونكمل  رحلتنا ونروح للمدينه المنوره

الصراحه كانت كئيبه شوي وجلسنا يومين بس

هذا كان عشانا اول ما وصلنا كنا مره مره تعبانين والصراحه كانت لذيذه*-*

سقف الحرم ^^ عاجبن مدري ليه ~,~

وبعدين رحنا للقصيم

واكمل الرحله وباقي العطلة بتدوينه ثانيه ان شاء الله

*جالسه اكتب واقاوم النوم عشان ابي اعدل نومي -,-
وترى الصور من الجوال @@

وإلى اللقاء ^^

شئ إيجابي بثاني ثنوي

مرحباً مرحباً

على أني سبت ثاني ثنوي بالتدوينه الي قبل *_* بس والله به أشياء حلوه وغبيه =)

ومن أغبى المواقف الي صارت لي
مره قمت الصبح وقررت أخذ جوالي للمدرسه وحطيت الجوال صامت بعدين هونت اخده خليته بالسياره وبعدين قلت لالا باخذه
يعني كان عندي تضارب بالأراء وبالاخير اخذته

كانت اول حصه أحياء وجامعين فصلين عشان نص الفصلين عندهم إختبار المهم
جالسين بامان الله وكانت الأستاذة مسويه مراجعه على اخر الترم وانا وخويتي هدى نسولف وفجاه نزلت علينا الروحانيه وهدينا
ونسمع صوت كانه جرس انذار
انا اعرف الصوت بس مدري وين والصوت كل شوي يعلى ويعلى ويعلى والفصل سكت

بالاخير اكتشفت انه منبه جوالي -_-

والله يانقزت نقزه وبسرعه افتح شنطتي واسكر منبهي وانا منهبله متنحه متوتره مدري وشلون
والاستاذه قالت وشو هذا
جت بنت مجهوله الهويه قالت ساعتي نسيت اسكرها وكذا يعني سلكت الوضع لي "أشكرها من أعماق قلبي"
وانا موب مصدقه كنت صدق متنحه
ولما طلعنا وحده من صديقاتي ماكانت مداومه واحنا مستغربين لان امس بالليل كانت تكلمنا عادي
الحصه الثانيه رياضيات وبدينا درس الا تدخل صديقتي ذي
وكانت متاخره
وتقولنا ترى فيه تفتيش الوكيله والمراقبات بالفصل لي جنبنا
قلت هااااااااااااه تستهبلين والا صدق
قالت ليه جايبه شئ؟
قلت جوالي
قالت بسرعه حطيه باي مكان هم الحين بيدخلون
رحت للاستاذه قلت لها بروح للحمام
قالت لالا هالحصه الوكيله قالت ممنوع لا تطلعين احد
انا صدق هنا خلاااااااااااص جلست العن الوقت الي قلت فيه باخذ جوالي
الحصه الاولى منبه والثانيه تفتيش وش هالحظ
وعندنا كمبيوتر بالفصل بسرعه فتحت درج الي جنب الكيبورد ودخلت الجوال
وما امدى اسكر الدرج الا الوكيله داخله وتقول يلا كلكم برى الفصل  لاحد يمسك شنطه وطلعوا الي بجيوبكم
واجلس ادعي ادعيه واودع جوالي واطلع
طلعت وانا اضحك اصيح خايفه متوهقه مستغربه من الحظ مدري وش الشعور
والبنات كانو سامعين منبهي بالفصل وجو يقولون هاه وين غبيتيه وانا ماغير اضحك واقولهم بالفصل
يقعدون يقولون خبله كان سوي وسويتي وشو بالفصل ويوترون زياده
ولما طلعوا المدرسات من فصلنا
كنت ابي اشوف جوالي بس مابي لان الاستاذه واقفه عنده
مسكت نفسي وجلست
جو بنات قالو استاذه لقيتوا شئ؟
قالت لالا احنا نثق بكم ولا لقينا شئ
ارتحت شوي
ولما صفرت الفسحه طلعت الاستاذه وانا اركض للدرج والقى الجوال واحمد ربي واجلس اسب اليوم كان حظي خايس صدق
المهم بالفسحه كنا جايبين فطور
جلسنا بالفصل وناكل لما خلصت الفسحه واحنا مازلنا ناكل
تدخل بنت قالت انتم للحين هنا يلااااااااا بسرعه
كان عندنا انجليزي واستاذته شديد فنحسبها تقصد لا تتاخرون على الحصه
وعشان احنا نظام قاعات لازم نجلس نتنقل بين الفصول
ذي البنت اخذت شنطتها وركضت
طلعت بشوف الاوضاع الا اشم ريحه حريق والبنات يركضون
اخخلاء
كنت اسمع صراخهم بس احسب لان الفسحه خلصت ماتوقعت اخلاء
وهم كانو قبل كم يوم مسوين لنا تجربه اخلاء وحسبناها استهبال
لما شميت الريحه لا شعوري اصرخ على صديقاتي ولان هدى كانت اكثر شخص ما تصدق اقولها هدى بسرررررررررررعه صدق والله صدق
كلهم قامو بسرعه اخذوا عبياتهم وتمسكني خلود صديقتي الثانيه وتركض واقولها خلود شوي شوي لا تركضين
وهي كانت من جد داعسه وتركض
نزلنا كلنا تحت والا البنات دايخين وصياح وحالتهم حاله
قالو بسرعه اطلعوا للشارع
قلت لالا مايحتاج وترجع خلود وتمسكني وتدعس =))
طلعنا بالشارع واطلع جوالي النحس واكلم امي واقولها قالت طيب برسلك السواق
شوي الا وحده من المدرسات تقول ارجعوا كلكم بسرعه مين سمح لكم تطلعون !!
دخلنا الا اكثر البنات بدوا يطلعون جوالتهم واحنا ضحك نقول وين راح التفتيش الي تو
المهم جو بنات وقالو لي نبي نكلم اهلنا وعطيتهم وجلسوا يكلمون
رجعت للفصل ضفيت عفشي ورحت للبيت ونمت
وخلص يومي المنحوس ذاك بس اكتشفت ان النهايه كانت سعيده  ض1  كان فيه فائده من الجوال باني كلمت امي

أصلا أتوقع بنات مدرستنا بيصير عندهم تبلد من الاخلاء لان موب اول مره
وبس..

شئ ثاني حلو

مدري مخي قفل لاني بمكان يرفع الضغط
ياجوج وماجوج قدامي مسببين قلق بس ازعاج ومضاربات وزقاقه >_>
لذلك اكتفي بهذا الحد لليوم 0=)
إلى اللقاء

خربوطيات :d

 أهلاً

اخباركم ^^

والله اليوم ألاحد كان من أطفش أيام حياتي

كان اغبي يوم من بدايه الترم<< النفسيه خربانه ض1

أمس كان يوم وردي بالنسبه لي كنت نااااااااااعمه ومضبطه شعري للمدرسه وحلق وحركات :$

مدري ليش!!
لدري سيف اخوي يكلمني أقوله لو سمحت قصر صوتك ><"   <هو شك ان هذي انا أصلا ض1
فرحمني وقصر صوته حسبني تعبانه -_- صح كنت مصدعه بس صداع انثوي >خخخ استهبل

المهم وشريت مقلمه

وكال البنات قالو
اماااااا هذي انتي!!
مستحيل   ×_×

حسيت قبل كنت اشتري جماجم وذا
وشوفوا مقلمتي الكيوتيه *^_^*

والله انها حلوه ض1
حتى وريتها قاقا تو قالت استحي على وجهك وش ذي :O


واليوم رنا جابت لي تي شيرت :$ :*

رنا اريقاااااااتو قوزايماس ^^
حق أنجري بيردز <<لعبه الايفون

كنت أبي ألبسها بكرا للمدرسه تحت القميص الابيض

بس مدري التي شيرت شوي واسع ومايصلح ><
وشوي ثقيل

لكن جمييييييييييل
وبالذات انا احب التي شيرتات الواسعه 3>3>

وش بعد؟!!

ايه اليوم ملئ بالغباء

اول شئ أمس كانت تجربتي مع الأمومه لثاني مره بس امس غثاء وبقوه

مرام اختي سافرت لـ(دبي)

فـ يارا بتنام عندي بس اغمض عيني بنام تصييح :@

تقوم تصيح اقوم اعطيها حليب تقوم تصيح تصقع بجدار تقوم تصيح مدري ايش

وهذي يارا حاليا تلعب تحت عن براعم ÷_÷ اهم شئ بنطلون بجامه وبلوزه بجامه ثانيه

فماا تهنيت امس بالنوم ابد ابد

قلت لامي ابي اغيب :"(  قالت لا ><"

فداومت وانا احمل هاله كئابه فوقي

وزياده على كذا صار لي موقف غبي بالطابور اصلا من حظي اليوم بعد واصله بدري وهم بالطوابير
فتنرفزت من الموقف >< على انه مايسوي بس لاني منغثه كبرت الموضوع شوي :$

واول حصه حاسب فالمعمل حق الحاسب ظلاااااام فكان وناسه وقسم كنت بنام بس ما امدى اغمض الا الدرس خلص وقالت روحوا لفصلكم

والحصه الثانيه فقه

قالت لي مانمتي امس ضحكت وانا اقول بنفسي امس كانت تجربه الامومه حقتي كيف انام >< :@

وكنت مقفله

بالفسحه نفس الشئ قافله نفسيتي وكان معي مغص من نفسيتي الخايسه ض1

مدري اليوم غبي

شوي يقولون لنا فيه تطعيم O_o

أنا كل شئ تسونه لي ولا إبر بالموضوع فبغيت اصيح وضاق صدري زياده

ولما جاء وقت التطعيم والله يا انا ماسكه يد رنا بقوه ض1 وخلاص بصيح مره موصله معي وغثيان وحالتي حاله

يوم وصلت قالو لنا ارفعوا اكماكم او فكوا بلايزكم

فرفعت كمي رحت لمها وانا اقول بسم الله بسم الله واذكر الله ض1

ومسحت بسرعه ودخلت الابر حسيت من كثر ما دخلتها خرقت العظم O_O

وحطت لي لصقه وذا وطلعت وانا ارتجف وارج ×_×

وحده من البنات تقول وش فيك؟!!

قلت هاه ولا شئ  من جد كنت مفهيييييه بقوه ما اصدق ما صحت <<انجااز

يوم وصلت الافصل قابلتي بنت بفصلي بس ماقد كلمتها حتى ما اعرف اسمها ><

قالت لي صحتي O_O
قلت لا
قالت الا واضح على وجهك -_-

كان ودي اشوف وجهي كيف كان ض1

صح كنت ارتجف وعاضه شفايفي وبصيح وطفشانه ومعصبه وكل  شئ بس ما صحت :"(

المهم دخلنا ورياضيات الحصه الثالثه وام الغثّه من جد أطول حصه بالعالم انا طعمت باليسار وانا اكتب باليسار ويدي تعورني ومابي حيل اكتب وهي الا نحل ورق عمل وبهواش بعد

المهم

بعددها قالو انزلوا محاضره ÷_÷

زياده على يومي الخايس يزودونه خياس بالبراد والجوا العليل الي بالساحه

جلست بالفصل لما جو استاذات وطلعونا نزلنا وقالمو يستهبلون علينا

المديره تقول ابي طالبه من كل فصل لمجلس المدرسه وابي اباء يشاركون الراي وابي وابي

زققت بجو جوي

بس خلصت رحت تمشيت بالحدائق الخضراء الي بالمدرسه >_>

وبس صفرت 12ونص وانا ابي اطلع للبيت متحمسه مره استانست خلص يومي

ماجت امي الا وحده وعشرين دقيقه :"( :"(

من جد كان يومي  ****

والله انطقيت بالحر طلعت كان باقي 5 بنات

واقول لامي والله مالي دخل ابي تعويض زياده على يومي الخايس تاخرتي

قالت وش اسوي زحمه ووو

المهم رحت للبيت نمت

ماوصلت البيت الاحدود 2  ونمت تقريبا 2ونص

ماجت خمس الا خالي وامي داخلين علي  يقولون قومي -_-  وش تبون انتم؟!!

وامي ماسكه خط هديل قومي هديل قومي

وانا احس بتعب من قلب

قمت صليت واكلت لي شئ وكلمت قاقا

والحين جالسه اكتب لكم
وجاله اشرب بيره 3>
الصوره بعد ما خلصتها خخخ

وبطبع اوراق وانام

ونفسي بكرا اغيب وقسم طاقه كبدي

قالت امي لا ماراح تغيبين

قلت تخيلي علي حراره من التطعيم =_=

آآآه بس يارب اشرح لي صدري


يلا جانيه بحاول انام مره مصدعه اليوم

وادري غثيتكم بيومي االغبي @_@

المدرسة ~,~

Konnichi wa

هذي التدوينه للمدرسه بس ض1 وأخيراَ كتبتها كنت بكتبها من زمان بس ما كان فيه شئ بالي اكتبه

لما رحت للمكتبه قبل امس وامس رحت لمحل رياضه شريت شنطه حسيت انو فيه اشياء تصلح تنحط 

وصورت اشياء كثيراااات

وببدا =$

أول شئ مواد الترم هذا

بما انتي نظام مقرارات ~,~

فأخذت(رياضيات3,عربي3,انجليزي3,كيمياء2,حاسب2,مهارات حياتيه,فقه1)

*الكتاب المسلك كيمياء ><"

وكتاب الانجليزي للحين ما استلمته -_-"

ومن الفضاوه صورت الكتب الي ودي اقراه 

اهم شئ مجله ايكيا خخخ

بس صدق وردي اشوفه ومالي خلق الحين

بس ماحسيت فيه شئ غريب السنه ذي

 لان قلبت عل  السريع

ولا تحزن اكثر من سنه وانا ودي اقرو

بعدين ببدا بالقش

رحت لمكتبه الشرق 3> 

يوم الاربعاء هذا وشريت اشياء شوياااااااات

الملفات

الي على اليسار قبوووس

وشريت

على السريع

والوان قماش للاستهبال بس نسيت اصوره

وأهم شئ

هههههههههههههه والله خطير القناع ذا

وترى الاسود عبايتي اول ما فصختها جلست اصور فقلت خل اتفنن بالتصوير شويات

بس الصوره موب شينه بالنسبه لي

وان شاء الله الله لا يعوق بسر بلونه بالوان القماش اذا فضيت يوم من الايام

لان القناع من قماش

..

وهذا الاستكر شريتو على اساس بلصق على بلاكي بس طلع البلاك حقي اسود وما توضح الالوان

فلصقت على الايبود حقي ومرام اخذت وحده للايبود حق قمبي  ^^

بس أحس لو كان الخلفيه بيضاء اطلق

وش باقي بعد؟!!

تنورتي وبلوزتي لقيتهم على الكرسي >< وصورتهم

الصوره تدل على اني اعلق تنورتي يوميا وارتبها -_-

وأهم شئ

تراااااااااااا

..

وأخيراً شريت شنطه ما بغيت >_>

موب شينه صح ^^

الا حلوه بعد خخخ الله يعطين خيره ويكفين شره <<للحين ما داومت معي ولا يوم

بكرا إن شاء الله تداوم 

وش رايكم بالصوره موب ابداع!!

أول مره بالتاريخ زغزغ يتفنن بالتصوير ض1

لـ تجربة كيمياء ترى ~

بكرا ان شاء الله بنسوويه ^^

الحين تبدا صور المطاريس خخخ 

أمس وأنا جالسه أطبع أوراق الملفات

حتى الطابعه طلعت نص الورقه والنص الثاني كان ينطبع <<الفضاوه <_<

أشرطه سيف حقت البلستيشن!!

أحس فاتح محل أخوي ما شاء الله

والي يقهر بالاخير يلعب بثنين والباقي مايدري وشو أصلا 

صوره مباشره ض1

أحل واجب الكيمياء 

بس أبي أجرب حركات التصوير <والله فاضيه اليومين ذي وبقوه

بس ترى الواجب حقي السؤال الثاني موب الاول<<الي يسمع متحمسين تعرفون وشو

وبس خلصت الصور

والحين برجع أكمل حل الكيمياء ويمكن أروح للمكتبه مره ثانيه 

ويبي لي ازين ملف الانجليزي والمهارات

بس ولله الحمد أشغالي موب كثيره

لاني مشتهيه اتابع فلم 3>3>

وبس

جانيه3>

قبل أروح*

دعاوتكم لصديقتي [أثير] بالعنايه الحين ="(

أتوقع ورم بالمخ .:"_":. 

لأني مو متأكد للحين اهلها مقفلين جوالاتهم 3/>

الله يصبرهم بس

ويارب بعصريه الجمعه هذي إنك تشافيها وتعافيها يارب

اللهم أنت الشافي لا شفاء إلا شفاؤك شفاء لا يغادر سفما

اشف اثير يارب

3>3>

أهلاً و سهلاً ,, سفرتي لأمريكا [الجزء الاول]

هلا هلا

من زماااااان

بس ماراح اتكلم عن ذا الموضوع

لان ما عندي سبب مقنع يخلين اسحب غير الطفش والحاله النفسيه

وبالفتره الي راحت ببدايه الإجازه سارفت لأمريكا أنا وأمي واخوي الصغير

بس كانت السفرة جميلة مع أن ماسفرنا لنيويورك ولا واشنطن

لان ابوي ماطلعت فيزته ولا سافر معنا ="(

وأخواني كانو يدرسون (هيثم,فواز,قاقا)

بس أرقاتووووو (أمي & أبوي) حققو  حلمي الي جلست شهوور انا وقاقا نخط له :$ :)

وهذي بعض صور رحلتنا 3>
*هذي صور لم مدرينه إسمه :(إيرا)او(إيريا)

,,

أخواني =$
الي يمين بدون بلوزه فواز =)
وهيثم يسار =)

والي شايلنه سيف أخوي الصغير هع
<<الصوره هذي خلفيه كمبوتري :$

وهذا شكل البحر عند الغروب ض1 <<كنت بسوي تصوير احترافي بس مافيه أمل -_-"

وبعدين قررنا نشوي =))

فرحنا لمحل ولما دخلنا المحل جاني هذاك المغص :"(

فقررت أجلس بالسياره وهم يجيبون الأغراض

وأنا جالسه جت غيمه سوداء وأمطرت بقوووه^^

بعدها مرينا سوبر ماركت وشرينا الدجاج واللحم والصلصات

ورحنا نشوي 3>

وصراحه كان فيه صوره للشكل النهائي للشوي بس مالقيتها بالاب ض1 يمكن حاطتها بالهاردسسك مدري والله!

<وهذي الرحله كانت قبل نرجع للرياض بــ تقريبا يومين , وسافرنا لان اخواني خلصوا دراسه فرحنا مع بعض 3أيام جلسنا فيها

المدينه كانت جميله والله وهي بالشمال بينها وبين كندا هذا البحر الي تو أو بالاصح [ بحيرة ]
وكنا بنرك البنانا بوت <كان نفسي فيه من سافرنا ماليزيا قبل 3سنوات
بس أول يوم كنا تعبانين وذا
ومن بكرا جت عاصفه المطر وهواء :"( <نفس ماليزيا وقسم أول يوم ماركبته من بكرا جت عاصفه ؛الحظ!!

وأنتهت رحلتنا لم إيرا مدري إيريا ^^!

<<أهم شئ باديه برحلتنا بالعكس خخخ

وورحلتنا لم (شلالات نياقرا) 3>    >>الشلالات هي الحدود بين أمريكا وكندا !

وهذي صور له 3>3>

<أحلى شئ بالموضوع لما يرش الشلال رذاذ مويه من قوته وصوته خققققققققققققه

هذي الصوره قاقا وصورته 3> تقول المنظر حلو , أحس انه رمس موب صدق!

هذا الجسر بين كندا وأمريكا الي يسار كندا واليمين أمريكا

يعني هذي الجمارك هع

منظر من بين الشلالات

أهم شئ النورسات (النورس)
كان مليااااااااااااااااااان منها

العماير الي من ورى هذي كندا 3> ومن الفضاوة نتخيل لو أن قمبي بكندا وعند الشلالات خخخ ونقول كيف نتقابل وكيف نشوف اختي  ووو
قمبي*ولد أختي أنولد بكندا

وأنا أمشي لقيت هذا الشئ وصورته


ووبس يكفي اليوم بهذي التدوينه =) أهم شئ الحمد لله على سلامتي

ورجعتي لزحليقه وأني كتبت

وإن شاء الله قبل أسافر بيت جدتي بكتب عن بيت أخواني ,,

والحين بروح اكمل مسلسلي الكوري :^)

أتمنى لكم فطوراً شهياً =) 3>