أنيو ^^"

اليوم داومت كأول يوم لي بثالث ثنوي
"الله يعطين خير هالعام ويكفين شره .. وياكم"

كان يوم عادي يعني مافيه مشاعر ابد أبد
خوياتي سلمت عليهم عادي كاني شايفتهم امس مافيه حماس وفاقدتهم ومدري وشو xd
وما كان فيه حصص ولا دروس
ولا فيه شعور أني آخر سنه
وعطون مواد الترم وصراحة حسيت السالفه كرف شوي :")

كل المواد يبي له مخ مروق
"كيمياء,فيزياء,رياضيات,بيئة,انجليزي"
يعني كنت مدلعه بالكثير مادتين علميه بالترم والحين كل الترم مواد علميه -,-

واستلمت ثلاث كتب
"فيزياء,كيمياء,رياضيات"
صراحه كتاب الرياضيات لونه خققققققققه *.*

ولو انه موب واضح بالتصوير .. اهم شئ الخلفيه تنورة المدرسة
اصلا الوان الكتب بالتدريج جايه كله ازرق @@!

والحين هذاي منسدحه بسريري ومشتهيه سبرايت والا سفن بارد *.* مع ثلج 3>3>3>3>
الله يرزقن واحد -_-"

أيه صح ونسيت
السبت الي فات اخواني رجعوا من أمريكا =$
بس فدوى وفواز خلصوا دراسه ورجعوا بقى هيثم هناك الله يوفقه
بيتنا صار فيه حركه
واحلى شعور
لما تكون بغرفتك بالليل طفشان واحد يفتح الباب يقولك تبي قهوه 3>3>3>3>3> شعور جميل
والا الصبح يجيبون فطور ونفطر سواء
من زمان عن الشعور هذا
الحمد لله على سلامتهم 3>

والحين بروح ادور لي شغله
يمكن ارتب غرفتي ويمكن استمر على سدحتي وافتح اليوتيوب ^^"

عاد الله اعلم

يلا الى اللقاء =*