أنيو ^^"

اليوم داومت كأول يوم لي بثالث ثنوي
"الله يعطين خير هالعام ويكفين شره .. وياكم"

كان يوم عادي يعني مافيه مشاعر ابد أبد
خوياتي سلمت عليهم عادي كاني شايفتهم امس مافيه حماس وفاقدتهم ومدري وشو xd
وما كان فيه حصص ولا دروس
ولا فيه شعور أني آخر سنه
وعطون مواد الترم وصراحة حسيت السالفه كرف شوي :")

كل المواد يبي له مخ مروق
"كيمياء,فيزياء,رياضيات,بيئة,انجليزي"
يعني كنت مدلعه بالكثير مادتين علميه بالترم والحين كل الترم مواد علميه -,-

واستلمت ثلاث كتب
"فيزياء,كيمياء,رياضيات"
صراحه كتاب الرياضيات لونه خققققققققه *.*

ولو انه موب واضح بالتصوير .. اهم شئ الخلفيه تنورة المدرسة
اصلا الوان الكتب بالتدريج جايه كله ازرق @@!

والحين هذاي منسدحه بسريري ومشتهيه سبرايت والا سفن بارد *.* مع ثلج 3>3>3>3>
الله يرزقن واحد -_-"

أيه صح ونسيت
السبت الي فات اخواني رجعوا من أمريكا =$
بس فدوى وفواز خلصوا دراسه ورجعوا بقى هيثم هناك الله يوفقه
بيتنا صار فيه حركه
واحلى شعور
لما تكون بغرفتك بالليل طفشان واحد يفتح الباب يقولك تبي قهوه 3>3>3>3>3> شعور جميل
والا الصبح يجيبون فطور ونفطر سواء
من زمان عن الشعور هذا
الحمد لله على سلامتهم 3>

والحين بروح ادور لي شغله
يمكن ارتب غرفتي ويمكن استمر على سدحتي وافتح اليوتيوب ^^"

عاد الله اعلم

يلا الى اللقاء =*

مرحباً بعودتي ^^"

أنيو ^^"

كل يوم أقول خل أرجع للمدونة .. وسرى الليل وأحنا ما سرينا

بس بالأخير رجعت *_*

خل نبدأ:

أول شئ بتكلم عن ثاني ثنوي >_>

وااااااااااااااااه يالله لك الحمد خلصت ثاني ثنوي TT_TT

من جد من جد كانت أخيس سنه +_+ كانت شئ لا يوصف من الخياس 

كان أنواع الكرف وبالياله الواحد يلحق مدرستنا طبقوا أكثر من نظام جديد زياده ضغط مُدرسَاتنا صار فيه لخبطه وما جابوا لنا الا على الاخير ومناهجنا مكثفه احنا ~,~ فيعني ..

يالله لك الحمد بس عدت على خير

هو موب بس كذا بس صار فيه اشياء ثانيه يعني لما واجهت أشياء بحياتي عرفت أني ماقد عانيت بحياتي من قبل #_# >>بديت أتفلسف

وكل ما قلت لأمي  حماااااااااااااااس خلصت أخيس سنة بقى سنة واتخرج .. تقول أحمدي ربس خلصت وأنتي مابس إلا العافيه ,ومن قالس أن ثالث ثنوي أريح إلا أكبر هم من ثاني وبتتعبين أكثر :"/ 

الله يعين

يلا قدامي ثلاث شهور إجازه *_* إن شاء الله بحللهن بس لحد الحين مر أسبوع وأنا ماغير (أكل+نوم+مسلسلات) أبي أسوي شئ مفيد "/

بجرب أدور أشياء بالنت تساهم بالأستفاده من الوقت ÷_÷

وبحاول أصير صديقة صالحة وأصير أكلم صديقاتي B-d

الله يعطينا خير هالأجازه ويكفينا شره =)

إلى اللقاء

خربوطيات :d

 أهلاً

اخباركم ^^

والله اليوم ألاحد كان من أطفش أيام حياتي

كان اغبي يوم من بدايه الترم<< النفسيه خربانه ض1

أمس كان يوم وردي بالنسبه لي كنت نااااااااااعمه ومضبطه شعري للمدرسه وحلق وحركات :$

مدري ليش!!
لدري سيف اخوي يكلمني أقوله لو سمحت قصر صوتك ><"   <هو شك ان هذي انا أصلا ض1
فرحمني وقصر صوته حسبني تعبانه -_- صح كنت مصدعه بس صداع انثوي >خخخ استهبل

المهم وشريت مقلمه

وكال البنات قالو
اماااااا هذي انتي!!
مستحيل   ×_×

حسيت قبل كنت اشتري جماجم وذا
وشوفوا مقلمتي الكيوتيه *^_^*

والله انها حلوه ض1
حتى وريتها قاقا تو قالت استحي على وجهك وش ذي :O


واليوم رنا جابت لي تي شيرت :$ :*

رنا اريقاااااااتو قوزايماس ^^
حق أنجري بيردز <<لعبه الايفون

كنت أبي ألبسها بكرا للمدرسه تحت القميص الابيض

بس مدري التي شيرت شوي واسع ومايصلح ><
وشوي ثقيل

لكن جمييييييييييل
وبالذات انا احب التي شيرتات الواسعه 3>3>

وش بعد؟!!

ايه اليوم ملئ بالغباء

اول شئ أمس كانت تجربتي مع الأمومه لثاني مره بس امس غثاء وبقوه

مرام اختي سافرت لـ(دبي)

فـ يارا بتنام عندي بس اغمض عيني بنام تصييح :@

تقوم تصيح اقوم اعطيها حليب تقوم تصيح تصقع بجدار تقوم تصيح مدري ايش

وهذي يارا حاليا تلعب تحت عن براعم ÷_÷ اهم شئ بنطلون بجامه وبلوزه بجامه ثانيه

فماا تهنيت امس بالنوم ابد ابد

قلت لامي ابي اغيب :"(  قالت لا ><"

فداومت وانا احمل هاله كئابه فوقي

وزياده على كذا صار لي موقف غبي بالطابور اصلا من حظي اليوم بعد واصله بدري وهم بالطوابير
فتنرفزت من الموقف >< على انه مايسوي بس لاني منغثه كبرت الموضوع شوي :$

واول حصه حاسب فالمعمل حق الحاسب ظلاااااام فكان وناسه وقسم كنت بنام بس ما امدى اغمض الا الدرس خلص وقالت روحوا لفصلكم

والحصه الثانيه فقه

قالت لي مانمتي امس ضحكت وانا اقول بنفسي امس كانت تجربه الامومه حقتي كيف انام >< :@

وكنت مقفله

بالفسحه نفس الشئ قافله نفسيتي وكان معي مغص من نفسيتي الخايسه ض1

مدري اليوم غبي

شوي يقولون لنا فيه تطعيم O_o

أنا كل شئ تسونه لي ولا إبر بالموضوع فبغيت اصيح وضاق صدري زياده

ولما جاء وقت التطعيم والله يا انا ماسكه يد رنا بقوه ض1 وخلاص بصيح مره موصله معي وغثيان وحالتي حاله

يوم وصلت قالو لنا ارفعوا اكماكم او فكوا بلايزكم

فرفعت كمي رحت لمها وانا اقول بسم الله بسم الله واذكر الله ض1

ومسحت بسرعه ودخلت الابر حسيت من كثر ما دخلتها خرقت العظم O_O

وحطت لي لصقه وذا وطلعت وانا ارتجف وارج ×_×

وحده من البنات تقول وش فيك؟!!

قلت هاه ولا شئ  من جد كنت مفهيييييه بقوه ما اصدق ما صحت <<انجااز

يوم وصلت الافصل قابلتي بنت بفصلي بس ماقد كلمتها حتى ما اعرف اسمها ><

قالت لي صحتي O_O
قلت لا
قالت الا واضح على وجهك -_-

كان ودي اشوف وجهي كيف كان ض1

صح كنت ارتجف وعاضه شفايفي وبصيح وطفشانه ومعصبه وكل  شئ بس ما صحت :"(

المهم دخلنا ورياضيات الحصه الثالثه وام الغثّه من جد أطول حصه بالعالم انا طعمت باليسار وانا اكتب باليسار ويدي تعورني ومابي حيل اكتب وهي الا نحل ورق عمل وبهواش بعد

المهم

بعددها قالو انزلوا محاضره ÷_÷

زياده على يومي الخايس يزودونه خياس بالبراد والجوا العليل الي بالساحه

جلست بالفصل لما جو استاذات وطلعونا نزلنا وقالمو يستهبلون علينا

المديره تقول ابي طالبه من كل فصل لمجلس المدرسه وابي اباء يشاركون الراي وابي وابي

زققت بجو جوي

بس خلصت رحت تمشيت بالحدائق الخضراء الي بالمدرسه >_>

وبس صفرت 12ونص وانا ابي اطلع للبيت متحمسه مره استانست خلص يومي

ماجت امي الا وحده وعشرين دقيقه :"( :"(

من جد كان يومي  ****

والله انطقيت بالحر طلعت كان باقي 5 بنات

واقول لامي والله مالي دخل ابي تعويض زياده على يومي الخايس تاخرتي

قالت وش اسوي زحمه ووو

المهم رحت للبيت نمت

ماوصلت البيت الاحدود 2  ونمت تقريبا 2ونص

ماجت خمس الا خالي وامي داخلين علي  يقولون قومي -_-  وش تبون انتم؟!!

وامي ماسكه خط هديل قومي هديل قومي

وانا احس بتعب من قلب

قمت صليت واكلت لي شئ وكلمت قاقا

والحين جالسه اكتب لكم
وجاله اشرب بيره 3>
الصوره بعد ما خلصتها خخخ

وبطبع اوراق وانام

ونفسي بكرا اغيب وقسم طاقه كبدي

قالت امي لا ماراح تغيبين

قلت تخيلي علي حراره من التطعيم =_=

آآآه بس يارب اشرح لي صدري


يلا جانيه بحاول انام مره مصدعه اليوم

وادري غثيتكم بيومي االغبي @_@

المدرسة ~,~

Konnichi wa

هذي التدوينه للمدرسه بس ض1 وأخيراَ كتبتها كنت بكتبها من زمان بس ما كان فيه شئ بالي اكتبه

لما رحت للمكتبه قبل امس وامس رحت لمحل رياضه شريت شنطه حسيت انو فيه اشياء تصلح تنحط 

وصورت اشياء كثيراااات

وببدا =$

أول شئ مواد الترم هذا

بما انتي نظام مقرارات ~,~

فأخذت(رياضيات3,عربي3,انجليزي3,كيمياء2,حاسب2,مهارات حياتيه,فقه1)

*الكتاب المسلك كيمياء ><"

وكتاب الانجليزي للحين ما استلمته -_-"

ومن الفضاوه صورت الكتب الي ودي اقراه 

اهم شئ مجله ايكيا خخخ

بس صدق وردي اشوفه ومالي خلق الحين

بس ماحسيت فيه شئ غريب السنه ذي

 لان قلبت عل  السريع

ولا تحزن اكثر من سنه وانا ودي اقرو

بعدين ببدا بالقش

رحت لمكتبه الشرق 3> 

يوم الاربعاء هذا وشريت اشياء شوياااااااات

الملفات

الي على اليسار قبوووس

وشريت

على السريع

والوان قماش للاستهبال بس نسيت اصوره

وأهم شئ

هههههههههههههه والله خطير القناع ذا

وترى الاسود عبايتي اول ما فصختها جلست اصور فقلت خل اتفنن بالتصوير شويات

بس الصوره موب شينه بالنسبه لي

وان شاء الله الله لا يعوق بسر بلونه بالوان القماش اذا فضيت يوم من الايام

لان القناع من قماش

..

وهذا الاستكر شريتو على اساس بلصق على بلاكي بس طلع البلاك حقي اسود وما توضح الالوان

فلصقت على الايبود حقي ومرام اخذت وحده للايبود حق قمبي  ^^

بس أحس لو كان الخلفيه بيضاء اطلق

وش باقي بعد؟!!

تنورتي وبلوزتي لقيتهم على الكرسي >< وصورتهم

الصوره تدل على اني اعلق تنورتي يوميا وارتبها -_-

وأهم شئ

تراااااااااااا

..

وأخيراً شريت شنطه ما بغيت >_>

موب شينه صح ^^

الا حلوه بعد خخخ الله يعطين خيره ويكفين شره <<للحين ما داومت معي ولا يوم

بكرا إن شاء الله تداوم 

وش رايكم بالصوره موب ابداع!!

أول مره بالتاريخ زغزغ يتفنن بالتصوير ض1

لـ تجربة كيمياء ترى ~

بكرا ان شاء الله بنسوويه ^^

الحين تبدا صور المطاريس خخخ 

أمس وأنا جالسه أطبع أوراق الملفات

حتى الطابعه طلعت نص الورقه والنص الثاني كان ينطبع <<الفضاوه <_<

أشرطه سيف حقت البلستيشن!!

أحس فاتح محل أخوي ما شاء الله

والي يقهر بالاخير يلعب بثنين والباقي مايدري وشو أصلا 

صوره مباشره ض1

أحل واجب الكيمياء 

بس أبي أجرب حركات التصوير <والله فاضيه اليومين ذي وبقوه

بس ترى الواجب حقي السؤال الثاني موب الاول<<الي يسمع متحمسين تعرفون وشو

وبس خلصت الصور

والحين برجع أكمل حل الكيمياء ويمكن أروح للمكتبه مره ثانيه 

ويبي لي ازين ملف الانجليزي والمهارات

بس ولله الحمد أشغالي موب كثيره

لاني مشتهيه اتابع فلم 3>3>

وبس

جانيه3>

قبل أروح*

دعاوتكم لصديقتي [أثير] بالعنايه الحين ="(

أتوقع ورم بالمخ .:"_":. 

لأني مو متأكد للحين اهلها مقفلين جوالاتهم 3/>

الله يصبرهم بس

ويارب بعصريه الجمعه هذي إنك تشافيها وتعافيها يارب

اللهم أنت الشافي لا شفاء إلا شفاؤك شفاء لا يغادر سفما

اشف اثير يارب

3>3>

يوم الاندومي O_o

سلامـ ~

اليوم كان جميييييييييييل والله <<بتغاضى عن الاشياء الغبيه مثل ان استاذه الاجتماعيات جتنا 3 حصص><

لكن الشئ الاجابي انو مجموعتي اليوم ما نزلت مصلى <<هههههههههههههه وقسم انصب

اليوم مجموعتي الجميله <<موب كله

تقريبا5 بعدين| كلنا!!!! <<استحملوا شوي

المهم

جبنا

شب ستيك<<انا جبته^^
مويه حاره +ديو<<Rana
شبسات<<hnd<<وشلون اكتب اسمه!!!!
اندومي هع <<3alya<<ذي شلون اسمه بعد؟!!

و سوينا اندومي
<<المزاج ~,~

والله وسوينا الاندومي وعلمنا بعض على الشب ستيك

واكلناه =)

وكانت ريحه الفصل ><

ونفتح الشبابيك والباب والمكيفات نبي الريحه تطلع

تخيلوا تدخلون فصل ريحته اندومي !!!!!

ما يضبط

المهم واحنا ناكل والله كان وناسه بالذات انو

فيه كائن معنا اسمهALGhrah<<السبلنق ترى من نطقي ~,~

فتحت الاندومي وحطت المويه والحاره ونست الشوكه بالبلاستك حقها تحت الاندومي  (يعني بصحن الاندومي)  ><

 بس زين طلعت البهارات ×_×

لما خلصنا كان الريحه ما تزال TT_TT

فجوا بقيه المجموعه الجميله واخذنا عطر ورشيته على المكيف عشان ينتشر اسرع<<شفتوا العقل المدبر

وطلعنا وغطينا اثار الجريمه<<الي يسمع قاتله احد

وطلعنا برا الفصل كاننا ما ندري وش السالفه خخخ

ودخلنا عادي بس ولله الحمد كانت الريحه رايحه شويات ^^

,,,,,,,,,,,,,,,,,,,,,,,
الشئ الثاني الجميل^^

Ranaالواسطه هع كلمت استاذه الاجتماعيات وقالت لها استاذه اننا نبي كتب الاحياء والفيزياء<<الي اتوقع ماراح ندرسهم اصلا -.-

هذا امس^

فاليوم جابت الاستاذه المفتاح حق مخزن الكتب^^

وقالت لنا انا اثق بكم<< وهـ بس

وقالت روحو جيبو الكتب على عددكم

واحنا طالعين فوق كان وناسه اننا نركض ونستهبل وALGoharh وهي تركض طاحت جزمتها <<اسْكِت لا تصير لي بكرا

وايه صح خلصت كتاب اليوم بالمدرسه<<يارب احقق على الاقل 2 من اهداف الشهر

وش بعد صار يا زغلول؟؟!

فقدت الذاكرت -.-"

واليوم اول مره اصرخ بوسط المكيف<<عاد انتوا افهموها><

واليوم ما شربت حليب الصافيو حقي ><

واليوم نمت بالسياره الصبح ولما فتحت عيوني لقيت اني عند المدرسه

واليوم قاقا عطتني هديه بكرا بكشخ فيها بالانجل سكول

برب بصورها لكم :|

ساعه عشان القى شئ اصور فيه من نظافه الغرفه الزايده

سبونج<<حبيبي السابق

ارقاتو قاقا

واليوم كنت ماراح ادخل زحليقه بس عشان الاندومي يستحق الذكر^^

والحين انا اشرب صافيو المدرسه  وبتروش وانام انيو^^

المستشفى >_<"

على السريع كونيتشوا^^

اليوم رحت لم المستشفى لاني كنت احس باشياء غريبه ×_× فرحت وسويت تحاليل دم

طبعا اول مره اروح اسوي تحليل لحالي

رحت ودخلت على الدكتوره وقلت له ما اشعر به <<متعوب عليها

قالت اوكي روحي سوي تحاليل وتعالي لي الاسبوع الجاي^^

ورحت قالت لي الممرضه اجلسي شوي واجي اناديك

جاست وفتحت كتابي اقراه ونادتني على طول تقريبا

ودخلت قالت يدك

انا هنا

قلت يدي!!

طيب تعور هي

قالت ليه فيه خوف وتجلس تضحك

آآآآآآآآآآآآآآآآآآآآآآآآآآه ايه اكيد تضحك موب هي الي تدخل الابره بيده

المهم وامد يدي والف على الجهه الثانيه لاني بدوخ >_<

قالت لي انتي مافيه شغل بالبيت؟!!!

قلت هاهلا ما اشتغل بس خلصي

قالت اصلا مافيه وريد حق دم

انا هنا يا جلست اضحك

قلت اها طيب عادي لاني ما افطرت تبين اروح اشرب لك عصير

قالت لالا نخلص اول

قلت بكيفك

ما ادري ليه استانست خخخخ

المهم وتدخلها

وانا هنا جاني تقلبات معويه على دماغيه على نفسيه الي تبون

حسيت بشعور مقرف جدا

كان ودي امسكها وبالجدار هي والابره الي تشفطها >_>

وع كان شعور غبي<<حامت كبدي وانا اكتب

المهم

رجعت البيت وعادي الامور تمام ونمت العصر قومتني امي المغرب قالت لي يلا تروحين لمعرض الكتاب مع قاقا

وانا معرض كتاب

قمت وغسلت رحت لهم كانوا يشربون قهوه المغرب

قلت يلا؟!!
قالت قاقا لا اليوم ما راح نروح

لالالالالالالالالالالالالالالالالالالالالالالالالالالالالاع

مقوميني على الفاضي؟؟؟

قال ابوي من ثقافتك الزايده  ×_× تحطيم

فـ ما رحنا ~,~

بس بالمقابل رحت انا وقاقا لمستوصف بعد العشاء وخوقنا اذاننا (يعني خرقناها هع)

انا حرقت باليسار2 واليمين1

اول ما تخوق ما حسيت اصلا

لكن الحين لا تعليق <<طبعا امي الحبيبه تاكلني مره تقولي عشان عطور مدرسه الملائكه ما تاثر بك >_<

المره :شئ شعبي هو بس ما ادري وشلون شكله زي الحجر الصغيييييييييير

والحين صدق تعور خفيف بس معليش

لكن الشئ الغبي الي صار اليوم TT_TT

ان انا ووجهي اليوم ما داومت عشان رحت احلل

فضيعت ارقام البنات كلهم ولا رقم ملائكي عندي

وبالمسن ولا وحده دخلت <<مسوين انقراض ^^!

وبالبيبي ما عندي ولا وحده منهم

والجوال اييييييييييه صح عندي ارقام جوالات اتوقع اووووووووووه بس ما يصلح ×_× الساعه 11 ونص

تعرفون الملائكه نايمين الحين<<انا قبلهم هع

يلا معليش نروح ونشوف بكرا ^^

يوووووووووووووووووووووووووووووووووووه

عندي حفظ وجهين قران

ما حفظت ابي انام وبكرا اخر يوم لاني غايبه

آآآآآآآآآآآآآآآآآآه

يلا انيو بروح احفظ وانام واداعب اذاني o_O

دمتم بسلام